ایران میں سفارتی موجودگی نہ ہونے سے نقصان ہو رہا ہے: کینیڈا

کینیڈا کے وزیراعظم مارک کارنے نے کہا ہے کہ ایران میں سفارتی موجودگی نہ ہونے کی وجہ سے ملک کو نقصان اٹھانا پڑ رہا ہے۔ انہوں نے انکشاف کیا کہ ماضی میں متعدد مواقعوں پر ایران سے کینیڈین شہریوں کو بحفاظت نکالنے کے لیے کینیڈا کو دوسرے ممالک سے مدد لینے پر مجبور ہونا پڑا۔ تاہم، وزیراعظم نے واضح کیا کہ کینیڈائی حکومت نے فی الحال ایران کے ساتھ تعلقات کی بحالی کے حوالے سے کوئی بات چیت نہیں کی ہے۔

وزیراعظم مارک کارنے کا مزید کہنا تھا کہ کینیڈا کا ایران کے ساتھ سفارتی تعلقات دوبارہ بحال کرنے یا تہران میں اپنا سفارت خانہ کھولنے کا فی الحال کوئی ارادہ نہیں ہے۔ واضح رہے کہ کینیڈا نے سال 2012ء میں تہران میں قائم اپنا سفارت خانہ مستقل طور پر بند کر دیا تھا۔