اٹلی نے اپنے علاقوں سے 500 امریکی طیاروں کو پرواز کی اجازت دی، نیٹو چیف

نیٹو (NATO) کے سیکرٹری جنرل مارک روٹے نے انکشاف کیا ہے کہ اٹلی نے ایران کے خلاف جاری فوجی مہم کے دوران اپنے علاقے میں قائم امریکی فوجی اڈوں سے لگ بھگ 500 امریکی طیاروں کو فضائی آپریشن کی اجازت دی۔

امریکی ٹی وی ‘فاکس نیوز’ کو دیے گئے ایک خصوصی انٹرویو میں مارک روٹے نے بتایا کہ اٹلی کی جانب سے امریکی جنگی طیاروں کو پروازوں کی یہ ہنگامی اجازت ایران کے خلاف شروع کیے گئے “آپریشن ایپک فیوری” (Operation Epic Fury) کی براہِ راست حمایت کا حصہ تھی۔

سیکرٹری جنرل نیٹو نے علاقائی صورتحال پر مزید روشنی ڈالتے ہوئے بتایا کہ اس دوران رومانیہ کے دارالحکومت بخارسٹ میں سویلین فضائی ٹریفک میں نمایاں کمی دیکھی گئی، کیونکہ وہاں کے اہم ایئر پورٹس کو امریکی اور اتحادی طیاروں میں ایندھن بھرنے (Refueling) کی سہولت فراہم کرنے کے لیے استعمال کیا جا رہا تھا۔

نیٹو چیف کا یہ اہم ترین انکشاف ایک ایسے نازک وقت میں سامنے آیا ہے جب خطے میں عسکری کشیدگی پہلے ہی عروج پر پہنچ چکی ہے اور مختلف عالمی و علاقائی فریقین ایک دوسرے پر سنگین الزامات عائد کر رہے ہیں