یومِ تاسیس جمہوریت،کی جدوجہد سے جنم لینے والی عوامی تحریک کا دن ہے,بلاول بھٹو
Web Desk
30 November 2025
پاکستان پیپلز پارٹی کے 58ویں یومِ تاسیس کے موقع پر چیئرمین بلاول بھٹو زرداری نے پارٹی کے بانی رہنماؤں، قائدین اور شہداء کو خراجِ عقیدت پیش کیا۔
اپنے پیغام میں انہوں نے کہا کہ پیپلز پارٹی کا یومِ تاسیس جمہوریت، مساوات اور سماجی انصاف کی جدوجہد سے جنم لینے والی عوامی تحریک کا دن ہے، اور یہ سفر آج بھی عوام کی طاقت اور نظریاتی وابستگی کے ساتھ جاری ہے۔بلاول بھٹو نے کہا کہ پیپلز پارٹی ہمیشہ مظلوم طبقات، مزدوروں، کسانوں، خواتین اور اقلیتوں کے حقوق کی محافظ رہی ہے۔ انہوں نے قائدِ عوام ذوالفقار علی بھٹو اور محترمہ بینظیر بھٹو کی جدوجہد اور قربانیوں کو پارٹی کے نظریے کی بنیاد قرار دیتے ہوئے کہا کہ شہیدوں کا مشن پارٹی کی اصل طاقت ہے جبکہ کارکنوں نے ہر آزمائش میں ڈٹ کر جدوجہد کی۔چیئرمین کا کہنا تھا کہ سابق صدر آصف علی زرداری کی قیادت میں ملک میں تاریخی فیصلے ہوئے جن میں آئین کی بحالی اور 18ویں ترمیم نمایاں ہیں، جنہوں نے صوبائی خودمختاری اور جمہوری استحکام کو تقویت دی۔ انہوں نے کہا کہ پیپلز پارٹی کا نظریہ عوام کی خدمت اور مساوی حقوق کی فراہمی ہے، اور جب تک معاشی نابرابری اور ناانصافی موجود ہے پارٹی کی تحریک جاری رہے گی۔انہوں نے اپنے پیغام کے اختتام پر پارٹی کارکنوں کو سلام پیش کرتے ہوئے کہا کہ وہ پاکستان کے عوام اور جیالوں کی استقامت سے توانائی لیتے ہیں۔ بلاول بھٹو نے شہداء کے مشن کو جاری رکھنے اور ایک ایسا پاکستان تعمیر کرنے کا عزم دہرایا جہاں ہر شہری کو برابر مواقع اور باوقار زندگی ملے۔
متعلقہ عنوانات
مکہ معاہدے کے تحت سعودی عرب کا دفاع ترجیح ہے، حاقان فیدان
22 November 2026
مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا
22 November 2026
خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور
22 November 2026
پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا
22 November 2026
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026