LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
بچوں کے استحصال میں ملوث افراد کیلئے نیا ایکٹ لائیں گے: مریم نواز سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک

ایران اور امریکہ میں مذاکرات کی نگرانی کیلئے اعلیٰ سطح کی کمیٹی قائم کرنے پر اتفاق

Web Desk

22 June 2026

پاکستان اور قطر کی ثالثی میں امریکہ اور ایران کے درمیان سوئٹزرلینڈ کے شہر برگن اسٹاک میں ہونے والے تزویراتی مذاکرات کا مشترکہ اعلامیہ باضابطہ طور پر جاری کر دیا گیا ہے۔

پاکستان اور قطر کی جانب سے جاری کیے جانے والے اس تاریخی مشترکہ اعلامیے کے مطابق، فریقین نے مذاکراتی عمل کی کڑی نگرانی کے لیے ایک مشترکہ اعلیٰ سطحی کمیٹی کے قیام پر اتفاق کر لیا ہے، جبکہ حتمی معاہدے تک پہنچنے کے لیے ایک جامع 60 روزہ روڈ میپ کی بھی منظوری دے دی گئی ہے۔

پاکستانی دفترِ خارجہ کی طرف سے فراہم کردہ تفصیلات کے مطابق، ایران اور امریکہ کے مابین تکنیکی سطح کے مذاکرات کا فوری آغاز کیا جا رہا ہے، اور یہ تزویراتی بیٹھک پورا ہفتہ برگن اسٹاک میں ہی جاری رہے گی۔ خطے میں تجارتی سرگرمیوں کو محفوظ بنانے کے لیے آبنائے ہرمز میں تجارتی جہازوں کی بلاتعطل آمدورفت کو یقینی بنانے کی خاطر ایک خصوصی رابطہ لائن (ہاٹ لائن) قائم کرنے پر بھی فریقین نے اتفاق کیا ہے۔

 ایرانی ایٹمی پروگرام اور عائد پابندیوں کی بتدریج نرمی سے متعلق معاملات کا جائزہ لینے کے لیے الگ الگ ماہرین پر مشتمل ورکنگ گروپس تشکیل دیے جائیں گے۔لبنان جنگ بندی پر مؤثر اور فوری عملدرآمد کو یقینی بنانے کے لیے ایک ‘ڈی کنفلیکشن سیل’ قائم کرنے پر اتفاق کر لیا گیا ہے۔ اس سیل میں لبنان کے ساتھ ساتھ ثالثی کا کردار ادا کرنے والے ممالک بھی شامل ہوں گے۔ قائم کردہ اعلیٰ سطحی کمیٹی پورے مذاکراتی عمل کی نگرانی کی ذمہ دار ہوگی۔ نامزد کردہ چیف مذاکرات کار ایٹمی پروگرام، پابندیوں کی منسوخی، نگرانی اور تنازعات کے حل سے متعلق تمام ورکنگ گروپس کی قیادت کریں گے اور اس کمیٹی کو باقاعدگی سے اپنی رپورٹ پیش کریں گے تاکہ اسلام آباد مفاہمتی یادداشت کے تحت معاہدے پر مؤثر عملدرآمد کو یقینی بنایا جا سکے۔

اعلامیے کے اختتام پر قطر اور پاکستان نے خطے کے وسیع تر مفاد میں امریکہ اور ایران کی سنجیدہ سفارتی کوششوں کو زبردست الفاظ میں سراہا، اور اس امید کا اظہار کیا کہ یہ تاریخی سفارتی عمل خطے میں پائیدار امن، معاشی استحکام اور سلامتی کی ایک نئی اور مضبوط بنیاد بنے گا۔