کارِ سرکار میں مداخلت کیس: ندیم نانی والا کو عدالت سے ریلیف، مقدمے سے بری

کارِ سرکار میں مداخلت کے مقدمے میں گرفتار ٹک ٹاکر ندیم نانی والا کو عدالت سے ریلیف مل گیا، جس کے بعد انہیں مقدمے سے بری کر دیا گیا۔

لاہور میں تھانہ ڈیفنس سی پولیس نے ملزم کو جوڈیشل مجسٹریٹ کے روبرو پیش کیا۔ سماعت کے دوران عدالت نے دلائل مکمل ہونے کے بعد ندیم نانی والا کو مقدمے سے ڈسچارج کرنے کا حکم دے دیا۔

پولیس کے مطابق ملزم کے خلاف گزشتہ روز ٹریفک وارڈن سے مبینہ تلخ کلامی اور جھگڑے کے بعد کارِ سرکار میں مداخلت کا مقدمہ درج کیا گیا تھا۔

عدالتی فیصلے کے بعد ملزم کو باقاعدہ طور پر مقدمے سے بری کر دیا گیا۔