نیویارک میں سینٹر 360 کا آغاز، شہریوں کے لیے شہر کے دلکش مناظر مفت دستیاب

نیویارک کے میئر زہران ممدانی نے شہر کی انتظامی کمشنر یومے کٹاسی کے ساتھ مل کر ڈیڈ این ڈنکنز میونسپل بلڈنگ کی چھت پر ایک نئے عوامی پینورامک تجربے کا افتتاح کیا ہے۔

یہ منصوبہ “سینٹر 360” کے نام سے متعارف کرایا گیا ہے جس کے تحت شہری اور سیاح اب شہر کے پانچوں بورو کا شاندار نظارہ مفت میں حاصل کر سکیں گے۔

یہ تجربہ گیارہ جون سے شروع ہوگا اور زائرین کو شہر کی تاریخی عمارت کے داخلی حصے سے بلند کپولا تک لے جایا جائے گا جہاں سے پورے نیویارک کا نظارہ ممکن ہوگا۔

میئر زہران ممدانی نے کہا کہ شہر کے خوبصورت مناظر تک رسائی ہر شہری کا حق ہے اور اسی لیے اس منصوبے کو مفت رکھا گیا ہے۔

حکام کے مطابق عمارت کی بحالی اور حفاظتی اقدامات پر چھ ملین ڈالر کی لاگت آئی ہے جس کے بعد اسے دوبارہ عوام کے لیے کھولا جا رہا ہے۔

محکمہ شہری انتظامی خدمات کے مطابق روزانہ آٹھ سیشنز ہوں گے اور ہر گروپ میں پانچ افراد شامل ہو سکیں گے، جبکہ بچوں کے لیے حفاظتی ہدایات پر عمل لازمی ہوگا۔

عمارت کو بیسویں صدی کے آغاز میں تعمیر کیا گیا تھا اور اسے بعد میں تاریخی ورثے کے طور پر محفوظ کیا گیا۔