تین ملکی ٹی20 سیریز ، سری لنکا نے پاکستان کو 6 رنز سے شکست دے کر فائنل میں جگہ بنا لی

راولپنڈی: تین ملکی ٹی20 سیریز کے فیصلہ کن میچ میں سری لنکا نے پاکستان کو 6 رنز سے شکست دے کر فائنل میں جگہ بنا لی۔ قومی ٹیم 185 رنز کے ہدف کے تعاقب میں 178 رنز تک محدود رہی۔

کپتان سلمان آغا نے شاندار 63 رنز بنائے، جبکہ محمد نواز نے 16 گیندوں پر 27 رنز کی جارحانہ اننگز کھیل کر امید جگائی۔ عثمان خان نے 33 اور صائم ایوب نے 27 رنز جوڑے۔

قبل ازیں سری لنکا نے پہلی اننگز میں 5 وکٹوں کے نقصان پر 184 رنز بنائے، کامل مشارہ 76 رنز کے ساتھ نمایاں رہے۔ پاکستان کی جانب سے ابرار احمد نے 2 جبکہ صائم ایوب اور سلمان مرزا نے ایک ایک وکٹ حاصل کی۔

بالنگ میں دشمانتھا چمیرا پاکستان کے لیے سب سے بڑا چیلنج ثابت ہوئے اور 4 قیمتی وکٹیں اپنے نام کیں۔

تین ملکی سیریز کا فائنل پاکستان اور سری لنکا کے درمیان ہفتے کو کھیلا جائے گا۔