آیت اللہ علی خامنہ ای کی نماز جنازہ تہران میں ادا کیے جانے کا دعویٰ

لندن سے شائع ہونے والے برطانوی اخبار نے دعویٰ کیا ہے کہ ایران کے سابق سپریم لیڈر آیت اللہ علی خامنہ ای کی نماز جنازہ تہران میں انتہائی سخت سکیورٹی میں ادا کردی گئی ہے۔

برطانوی اخبار کی رپورٹ کے مطابق نماز جنازہ جمعرات کے روز محدود پیمانے پر ادا کی گئی جس میں آیت اللہ علی خامنہ ای کے اہل خانہ اور چند اہم سرکاری شخصیات نے شرکت کی۔

اخبار کا کہنا ہے کہ نماز جنازہ کے انتظامات انتہائی خفیہ اور سخت حفاظتی اقدامات کے تحت کیے گئے تاہم اس حوالے سے ایران کی جانب سے تاحال کوئی باضابطہ بیان جاری نہیں کیا گیا۔

رپورٹ میں مزید کہا گیا ہے کہ برطانوی اخبار کے دعوے کی آزاد ذرائع سے تصدیق نہیں ہوسکی جبکہ عالمی ذرائع ابلاغ میں بھی اس خبر پر مختلف ردعمل سامنے آرہے ہیں۔

یاد رہے کہ آیت اللہ علی خامنہ ای اٹھائیس فروری کو امریکا اور اسرائیل کی جانب سے ایران پر کیے گئے حملوں کے پہلے روز اپنے چند اہل خانہ سمیت شہید ہوئے تھے۔

ان حملوں میں ایران کے کئی اعلیٰ فوجی کمانڈرز اور اہم مشیران بھی شہید ہوئے تھے جن میں میجر جنرل عبدالرحیم موسوی، ریئر ایڈمرل علی شمخانی اور میجر جنرل محمد پاکپور شامل تھے۔