رواں سال حج کی ادائیگی کا نیا عالمی ریکارڈ قائم، 17 لاکھ سے زائد عازمین شریک

ریاض: General Authority for Statistics کی جانب سے جاری کردہ رپورٹ کے مطابق رواں سال فریضہ حج کی ادائیگی کا نیا ریکارڈ قائم ہوگیا۔
سعودی محکمہ شماریات کے مطابق اس سال مجموعی طور پر 17 لاکھ 7 ہزار 301 افراد نے حج ادا کیا، جو گزشتہ برس کے مقابلے میں زیادہ تعداد ہے۔ گزشتہ سال 16 لاکھ 73 ہزار 230 عازمین نے حج کی سعادت حاصل کی تھی۔
اعداد و شمار کے مطابق رواں برس 165 مختلف قومیتوں سے تعلق رکھنے والے 15 لاکھ 46 ہزار 655 غیر ملکی حجاج کرام نے فریضہ حج ادا کیا، جن میں سعودی عرب میں مقیم غیر ملکی بھی شامل ہیں۔
رپورٹ میں بتایا گیا کہ دنیا بھر سے آنے والے لاکھوں فرزندانِ اسلام نے مقدس مقامات پر مناسک حج ادا کیے، جبکہ سعودی حکام کی جانب سے حجاج کرام کے لیے سیکیورٹی، صحت، رہائش اور سفری سہولیات کے خصوصی انتظامات کیے گئے۔
سعودی حکام نے ہجوم کو منظم رکھنے اور عازمین کو سہولت فراہم کرنے کے لیے جدید نظام اور نگرانی کے مؤثر اقدامات بھی کیے۔