اسلام آباد میں جے یو آئی رہنما فرخ کھوکھر غیر قانونی اسلحہ رکھنے پر گرفتار

اسلام آباد میں پولیس نے جمعیت علماء اسلام (جے یو آئی ف) کے رہنما فرخ کھوکھر کو غیر قانونی اسلحہ رکھنے کے الزام میں گرفتار کر لیا۔
پولیس ذرائع کے مطابق چیکنگ کے دوران ان کے قبضے سے ممنوعہ اسلحہ برآمد ہوا، جس پر انہیں موقع سے حراست میں لے کر تھانہ آبپارہ منتقل کر دیا گیا۔

پولیس کا کہنا ہے کہ فرخ کھوکھر کو زیرو پوائنٹ ناکے سے گرفتار کیا گیا۔
یاد رہے کہ چند ماہ قبل راولپنڈی کے معروف سیاسی مرکز کھوکھر ہاؤس سے تعلق رکھنے والے فرخ کھوکھر نے مولانا فضل الرحمان سے ملاقات کے بعد جے یو آئی ف میں شمولیت اختیار کی تھی۔