LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

عمران خان کو لانے والے بھی مجرم،احتساب ہونا چاہیے،نوازشریف

Web Desk

26 November 2025

صدر مسلم لیگ ن نواز شریف نے نومنتخب ارکان قومی اسمبلی سے گفتگو میں کہا کہ گزشتہ دور میں نفرت، جھوٹ، دنگا فساد اور فتنے کو بری طرح شکست دی گئی۔ نواز شریف نے بتایا کہ ان کے دور میں مہنگائی کی شرح صرف 3 فیصد تھی، جبکہ پی ٹی آئی کے دور میں یہ 39 فیصد تک پہنچ گئی۔

نواز شریف نے ملک کی موجودہ اقتصادی و سیاسی صورتحال پر تشویش ظاہر کی اور کہا کہ گزشتہ حکومت نے ملک کو مشکلات میں ڈالا جس کے اثرات آج پوری قوم بھگت رہی ہے۔ 2017 میں ملک تیزی سے ترقی کر رہا تھا اور حکومتی اقدامات سے مہنگائی کی شرح کم ہوئی تھی۔ انہوں نے کہا کہ اگر ترقی کی رفتار جاری رہتی تو آج آئی ایم ایف کی فکر نہ ہوتی۔

انہوں نے واضح کیا کہ فیصلے غیر ملکی ہاتھوں میں نہیں تھے بلکہ پچھلی حکومت نے ملک کے معاملات پر غیر ضروری انحصار کیا۔ نواز شریف نے 2018 سے 2022 کے دوران ہونے والے حالات کی ذمہ داری سابقہ حکومت پر ڈالی اور کہا کہ مسلم لیگ ن دوبارہ پاکستان کو ترقی کی راہ پر لانے کی کوشش کر رہی ہے۔

صدر مسلم لیگ ن نے ارکان اسمبلی سے کہا کہ سب کو مل کر وزیراعظم اور وزیراعلیٰ پنجاب کا ہاتھ بٹانا ہوگا تاکہ پاکستان مزید ترقی کرے اور ملک دیوالیہ ہونے سے بچا رہے۔ انہوں نے مزید کہا کہ عوام نے کارکردگی کی بنیاد پر مسلم لیگ ن کو ووٹ دیا اور گزشتہ حکومت نے نہ صرف خارجہ امور بلکہ امن کی صورتحال بھی خراب کر دی تھی۔

نواز شریف نے پی ٹی آئی اور اس کے بانیوں پر بھی تنقید کی اور کہا کہ وہ اکیلے نہیں تھے بلکہ انہیں لانے والے بھی مجرم تھے اور ان سے حساب لینا ضروری ہے۔ انہوں نے یہ بھی کہا کہ دوسرے چور ڈاکو کہنے والے خود ڈاکے مارنے میں سب سے آگے نکلے۔

انہوں نے پنجاب میں ترقیاتی کاموں کی تفصیل دیتے ہوئے بتایا کہ غریبوں کے لیے نئے گھر بنائے جا رہے ہیں اور مفت دوائیاں فراہم کی جا رہی ہیں۔ نواز شریف نے کہا کہ ترقیاتی کام ہمیشہ مسلم لیگ ن کے دور میں ہوئے اور موجودہ وزیراعظم اور وزیراعلیٰ پنجاب ترقی میں ان سے بھی آگے نکل گئے ہیں۔

انہوں نے پی ٹی آئی کی کرکٹ کھیلنے والی پالیسی پر طنز کرتے ہوئے کہا کہ یہ لوگ کھیلنے آئے تھے اور پانچ سال تک کھیلتے رہے، اور عوام نے کارکردگی کے مطابق فیصلہ کیا۔

نواز شریف نے آخر میں کہا کہ پاکستان نے ٹیک آف کر لیا ہے اور اب مزید بلندی حاصل کرنی ہے۔