یوکرین کا مستقبل یورپی یونین سے جڑا ہے، صدر یورپی کمیشن

یورپی کمیشن کی صدر ارسلا وون ڈیر لاین نے یورپی پارلیمنٹ کے اجلاس سے خطاب کرتے ہوئے کہا ہے کہ یوکرین کا مستقبل یورپی یونین میں شمولیت سے وابستہ ہے۔

انہوں نے خبردار کیا کہ اگر آج یوکرین کی سرحدوں پر کوئی سمجھوتہ کیا گیا تو مستقبل میں مزید جنگوں کے دروازے کھل سکتے ہیں۔یوکرین کے مسئلے پر ہونے والے خصوصی اجلاس سے خطاب میں ارسلا وون ڈیر لاین نے سابق امریکی صدر ڈونلڈ ٹرمپ کی یوکرین میں امن کے لیے کوششوں کا خیر مقدم کیا۔

انہوں نے کہا کہ کسی بھی سیز فائر معاہدے کا مقصد منصفانہ اور دیرپا امن ہونا چاہیے۔صدر یورپی کمیشن کا کہنا تھا کہ پائیدار امن کے لیے مزید کوششوں اور مضبوط سفارتی اقدامات کی ضرورت ہے تاکہ خطے میں استحکام بحال کیا جا سکے۔