سعودیہ کی متحدہ عرب امارات کے جوہری پلانٹ پر ڈرون حملے کی شدید مذمت

متحدہ عرب امارات (UAE) کے اہم ترین اسٹریٹجک اثاثے پر ہونے والے دہشت گردانہ حملے کے بعد خلیجی خطے میں شدید تشویش کی لہر دوڑ گئی ہے۔ سعودی عرب نے متحدہ عرب امارات کے جوہری پلانٹ کو نشانہ بنانے والے حالیہ ڈرون حملے کی شدید ترین الفاظ میں مذمت کی ہے، جس کے نتیجے میں ’براکہ نیوکلیئر انرجی پلانٹ‘ (Barakah Nuclear Energy Plant) کے ایک حصے میں آگ بھڑک اٹھی۔سعودی عرب کی وزارتِ خارجہ کی جانب سے جاری کردہ ایک ہنگامی اور سخت گیر مذمتی بیان میں کہا گیا ہے کہ، “سعودی حکومت برادر ملک متحدہ عرب امارات کی اہم ترین تنصیبات پر ڈرونز کے ذریعے کیے گئے اس بزدلانہ حملے کی سخت ترین الفاظ میں مذمت کرتی ہے۔” سعودی عرب نے واضح کیا کہ برادر ملک پر حملہ دراصل پورے خطے کے امن کو داؤ پر لگانے کی مذموم کوشش ہے۔بیان میں مزید کہا گیا کہ سعودی عرب، متحدہ عرب امارات کی سلامتی، استحکام اور اس کے دفاع کے لیے اماراتی قیادت اور عوام کے ساتھ مکمل اور غیر مشروط یکجہتی (Solidarity) کا اظہار کرتا ہے۔ سعودی عرب کے مطابق، سویلین اور توانائی کے بنیادی ڈھانچے کو نشانہ بنانے والے ایسے مہم جوئیانہ حملے نہ صرف بین الاقوامی قوانین کی کھلی خلاف ورزی ہیں بلکہ یہ پورے مشرقِ وسطیٰ کے امن، سلامتی اور اقتصادی استحکام کے لیے ایک سنگین خطرہ ہیں۔