پی آئی اے ہولڈنگ کمپنی کا خسارہ 3 گنا بڑھ گیا، 9 ماہ میں 24 ارب روپے کا ریکارڈ نقصان

کراچی میں پی آئی اے ہولڈنگ کمپنی کی جاری کردہ مالیاتی دستاویزات کے مطابق یکم جنوری تا 30 ستمبر 2025ء کے دوران کمپنی کا مجموعی خسارہ 24 ارب 40 کروڑ روپے تک پہنچ گیا ہے۔ یہ خسارہ گزشتہ سال کے اسی عرصے کے مقابلے میں تین گنا سے بھی زائد ہے، جب نقصان کی مالیت 7 ارب 48 کروڑ روپے ریکارڈ کی گئی تھی۔ رپورٹ کے مطابق کمپنی کی مالی کارکردگی شدید متاثر ہوئی ہے جس کے نتیجے میں فی شیئر نقصان میں بھی غیر معمولی اضافہ دیکھا گیا ہے۔