پاکستان سمیت دنیا بھر میں تھیلیسیمیا سے آگاہی کا دن آج منایا جا رہا ہے

پاکستان میں ہر سال مئی کے آغاز میں تھیلیسیمیا سے آگاہی کا دن منایا جاتا ہے تاکہ اس موروثی بیماری کے پھیلاؤ کو روکا جا سکے جو والدین سے اولاد میں منتقل ہوتی ہے۔ ماہرینِ صحت کے مطابق پاکستان میں تقریباً ایک لاکھ سے زائد بچے اس مرض کا شکار ہیں اور ان کی زندگی خون کے عطیات پر منحصر ہے۔ اس مرض کی سب سے بڑی وجہ خاندان میں شادیاں قرار دی جاتی ہیں۔ طبی ماہرین نے زور دیا ہے کہ شادی سے قبل تھیلیسیمیا ٹیسٹ کو لازمی بنایا جائے تاکہ آنے والی نسل کو اس تکلیف دہ مرض سے محفوظ رکھا جا سکے۔