وزیراعظم سے سبکدوش جنرل ساحر شمشاد مرزا کی الوداعی ملاقات

وزیراعظم محمد شہباز شریف سے سبکدوش ہونے والے چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے الوداعی ملاقات کی۔ ملاقات کے دوران وزیراعظم نے جنرل ساحر شمشاد مرزا کی پیشہ ورانہ صلاحیتوں، عسکری خدمات اور ملک و قوم کے لیے ان کی طویل عرصے پر محیط بہترین خدمات کو سراہا۔

وزیراعظم نے کہا کہ جنرل ساحر شمشاد مرزا نے اپنے عہدے کے دوران بھرپور ذمہ داری، اعلیٰ کارکردگی اور قومی سلامتی کے لیے گراں قدر کردار ادا کیا۔ انہوں نے ان کی پیشہ ورانہ قیادت اور ملکی دفاع کو مضبوط بنانے میں ان کی خدمات کو خراجِ تحسین پیش کیا۔

ملاقات کے اختتام پر وزیراعظم نے جنرل ساحر شمشاد مرزا کے لیے نیک تمناؤں کا اظہار کیا اور ان کی آئندہ زندگی کے لیے کامیابیوں کی دعا کی