سہیل آفریدی اپنے حلقے وادی تیراہ سے منشیات کے کارخانے ختم کرائیں، اختیار ولی خان
Web Desk
23 November 2025
وزیراعظم کے کوآرڈینیٹر برائے خیبر پختونخوا اختیار ولی خان نے دعویٰ کیا ہے کہ وادی تیراہ میں منشیات کے باقاعدہ کارخانے چل رہے ہیں، اور اس مکروہ دھندے سے حاصل ہونے والا پیسہ دہشت گردی کی سرگرمیوں میں بھی استعمال ہوتا ہے۔
اپنے بیان میں انہوں نے کہا کہ ضلع خیبر سے تیار کی جانے والی منشیات ملک بھر میں اسمگل کی جاتی ہیں، جبکہ اس کاروبار میں پی ٹی آئی سے وابستہ افراد کے ملوث ہونے کے شواہد بھی موجود ہیں۔ ان کے مطابق منشیات کی کمائی سرحد پار بھی منتقل کی جاتی ہے۔
اختیار ولی خان نے وزیراعلیٰ خیبر پختونخوا سہیل آفریدی سے مطالبہ کیا کہ وہ اپنے حلقے میں منشیات کے خاتمے کے لیے فوری اور مؤثر کارروائی کریں۔ ان کا کہنا تھا کہ “جس وزیراعلیٰ کے ضلع میں منشیات تیار ہو، اسے استعفا دے دینا چاہیے۔”
انہوں نے وزیراعلیٰ کی جانب سے منشیات سے متعلق رپورٹوں کی تردید کو “حقائق کے برعکس” قرار دیتے ہوئے کہا کہ صوبائی حکومت کو منشیات کی اسمگلنگ کے راستے بند کرنے چاہئیں۔۔۔ لیکن وزیراعلیٰ نے اقدام کے بجائے وزیر اطلاعات سے محض پریس کانفرنس کرا دی۔
اختیار ولی خان نے مزید کہا کہ منشیات کے کاروبار سے حاصل ہونے والا پیسہ ریاست دشمن سرگرمیوں اور گولہ بارود کی تیاری میں بھی استعمال ہو رہا ہے، جو انتہائی تشویشناک ہے۔
متعلقہ عنوانات
مکہ معاہدے کے تحت سعودی عرب کا دفاع ترجیح ہے، حاقان فیدان
22 November 2026
مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا
22 November 2026
خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور
22 November 2026
پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا
22 November 2026
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026