: سولر ٹیکس اور پٹرولیم قیمتوں پر پیپلز پارٹی اور جے یو آئی کا شدید احتجاج

پیپلز پارٹی نے سولر پینلز ٹیکسز پرقومی اسمبلی میں حکومت کو تنقید کا نشانہ بنایا۔۔۔جبکہ وزیر دفاع خواجہ آصف نے نجی بجلی گھروں سے معاہدوں کو برقرار رکھنے کا کہہ دیا۔۔جے یو آئی اور پیپلز پارٹی نے بھی پٹرولیم قیمتوں پرحکومت پر کڑی تنقید کی۔۔۔
قومی اسمبلی کا اجلاس اسپیکر ایاز صادق کی صدارت میں ہوا۔۔۔ سولر پینلز پر 18 فیصد ٹیکس عائد کرنے سے متعلق توجہ دلاؤ نوٹس پر نوید قمر نے کہا کہ ملک توانائی کے بحران کا سامنا کررہاہے ۔۔وزیراعظم چاہتے ہیں کہ ملک کلین انجریز کی طرف جائے۔مگر ساتھ ہی حکومت سولر اور دیگر توانائی کے متبادل ذرائع کی حوصلہ شکنی کررہی ہے۔
وزیر دفاع خواجہ آصف نے کہا کہ آج توانائی کا نازک بیلنس رکھنا پڑ رہاہے۔جو نجی بجلی گھروں سے معاہدے ہوئے انہیں برقرار بھی رکھنا پڑرہاہے۔ہم چاہتے ہیں کہ سولر اور دیگر توانائی کے متبادل ذرائع کی طرف جائیں۔۔مگر ہمارے ہاتھ ان نجی بجلی گھروں کے معاہدوں کے سبب بندھے ہوئے ہیں۔ ۔
اپوزیشن لیڈر اپوزیشن لیڈر محمود خان اچکزئی نے کہا ہمیں کم از کم کچھ نکات پر متفق ہونا چاہیے۔۔
رکن اسمبلی نور عالم خان نے کہا کہ وزیر خزانہ نے پٹرولیم مصنوعات کی قیمتیں بڑھانے کی وضاحت نہیں دی۔۔۔ ڈیزل بڑھانے سے ہر چیز مہنگی ہو جاتی ہے۔
پیپلز پارٹی کی شرمیلا فاروقی کا کہنا تھا کہ وزیراعظم نے پہلے قیمتیں نہ بڑھانے کی بات کی۔۔۔پھر وزراء نے پریس کانفرنس کرکے اچانک دو بار قیمتیں بڑھائی گئیں۔۔