کراچی میں میٹرک کے سالانہ امتحانات ملتوی، نئی تاریخ کا اعلان کر دیا گیا

کراچی: ثانوی تعلیمی بورڈ کراچی نے اعلان کیا ہے کہ 7 اپریل سے شروع ہونے والے سالانہ امتحانات اب جمعہ 10 اپریل 2026 سے لیے جائیں گے۔

بورڈ کے مطابق امتحانات میں تاخیر کی بڑی وجہ کمپیوٹرائزڈ سسٹم میں تکنیکی مسائل اور ڈیٹا میں زیادتی کی وجہ سے سرور کا ٹھپ ہونا ہے، جس کے باعث ایڈمٹ کارڈز وقت پر فراہم نہیں کیے جا سکے۔

بورڈ نے کہا کہ ایڈمٹ کارڈز کی بروقت فراہمی کے بعد امتحانات کا انعقاد شفاف اور منظم انداز میں یقینی بنایا جائے گا۔ طلبہ کو ہدایت کی گئی ہے کہ وہ اپنے ایڈمٹ کارڈز کے حصول کے بعد ہی امتحانی مراکز پر جائیں۔

پرائیویٹ اسکول ایسوسی ایشن نے بھی اس بات کی تصدیق کی ہے کہ داخلہ کارڈ کی عدم دستیابی امتحانات کے التوا کی بنیادی وجہ بنی۔

اس فیصلے کے بعد طلبہ اور والدین کو نئی تاریخ کے مطابق تیاری جاری رکھنے کی ہدایت کی گئی ہے۔