نائب وزیراعظم و وزیر خارجہ اسحاق ڈار  کی سعودی ہم منصب سے گفتگو،  خطے کی صورتحال اور امن پر زور

نائب وزیراعظم و وزیر خارجہ اسحاق ڈار نے سعودی عرب کے وزیر خارجہ شہزادہ فیصل بن فرحان آل سعود سے ٹیلیفونک رابطہ کیا، جس میں خطے کی موجودہ صورتحال پر تفصیلی تبادلہ خیال کیا گیا۔

دونوں رہنماؤں نے علاقائی حالات کا جائزہ لیتے ہوئے امن و استحکام کے فروغ کے لیے کشیدگی میں کمی کی ضرورت پر زور دیا۔

گفتگو کے دوران اس بات پر بھی اتفاق کیا گیا کہ بدلتی ہوئی صورتحال کے تناظر میں باہمی مشاورت اور قریبی رابطہ برقرار رکھا جائے گا تاکہ مشترکہ حکمت عملی کو فروغ دیا جا سکے۔