ہالینڈ کی نئی ٹیکنالوجی: سمندری لہروں سے بجلی بنانے والی ٹربائن ایجاد

ہالینڈ میں توانائی کے شعبے میں اہم پیش رفت سامنے آئی ہے جہاں مقامی کمپنی سمفنی ویو پاور نے سمندری لہروں کی طاقت سے بجلی پیدا کرنے والی جدید ٹربائن ایجاد کر لی ہے۔ یہ ٹربائن صرف 20 میٹر کی گہرائی میں نصب کی جا سکتی ہے اور سمندر کی لہروں کے اوپر نیچے حرکت کرنے سے اس میں موجود جنریٹر بجلی پیدا کرتا ہے۔

ماہرین کے مطابق یہ ٹیکنالوجی مستقبل میں قابلِ تجدید توانائی کے شعبے میں انقلاب لاسکتی ہے۔ اگر پاکستانی ساحل کے 1046 کلومیٹر طویل سمندری کنارے پر ایسی زیرِ سمندر ٹربائنوں کا جال بچھا دیا جائے تو ملک کے لیے 40 سے 50 ہزار میگاواٹ تک صاف، سستی اور ماحول دوست بجلی باآسانی حاصل کی جاسکتی ہے۔ اس طریقہ کار میں نہ گیس، نہ ڈیزل اور نہ ہی کوئلے کی ضرورت پڑتی ہے۔

توانائی ماہرین کا کہنا ہے کہ سمندری لہروں کی قوت ایک لامحدود اور مستحکم ذریعہ ہے، جو کم لاگت میں مسلسل بجلی فراہم کرسکتا ہے۔ اطلاعات کے مطابق ہالینڈ کے ساحل پر یہ ٹربائنیں جلد باقاعدہ بجلی پیدا کرنا شروع کر دیں گی۔