پاکستان بھرمیں عید الفطر کی خوشیاں، نمازعیدکے اجتماعات

ٹی وی ون یوایس اے  کی جانب سے سب کو عید مبارک۔۔۔۔  پاکستان  میں عید الفطر مذہبی عقیدت و احترام اور روایتی جوش و جذبے کے ساتھ منائی جارہی ہے۔۔ ملک بھر کے تمام چھوٹے بڑے شہریوں میں نماز عید کے لاکھوں اجتماعات ہوئے۔ مساجد، امام بارگاہوں اور کھلے میدانوں میں فرزندانِ اسلام نے نماز عید الفطر ادا کی۔۔

نماز عید کے خطبات میں ایثار، ہمدری، درگرزپر زور دیا گیا،، ملکی یکجہتی، ترقی، استحکام اور امت مسلمہ کے اتحاد کیلئے خصوصی دعائیں کی گئیں۔ نماز عید کی ادائیگی کے بعد لوگوں نے تمام گلے شکوے بھلا کر ایک دوسرے کو گلے مل کر عید کی مبارک باد دی۔۔

نماز عید کے موقع پر ملک بھر میں سیکیورٹی کے بھی خصوصی اقدامات کیے گئے تھے۔۔ تمام اہم عیدگاہوں، بڑی مساجد اور امام بارگاہوں پر سیکیورٹی اہلکاروں کی اضافی نفری تعینات رہی۔ شہر قائد میں بارہ ہزار سے زائد پولیس افسران اور اہلکاروں نے فرائض انجام دیئے۔