وزیراعظم کا آذربائیجان کے صدر کو فون، عوام کو عیدالفطر کی مبارکباد دی

وزیراعظم محمد شہباز شریف نے عیدالفطر کے موقع پر جمہوریہ آذربائیجان کے صدر الہام علیوف سے ٹیلیفونک گفتگو کی۔ وزیراعظم نے صدر علیوف اور آذربائیجان کے عوام کو عید کی دلی مبارکباد پیش کی، جس کا صدر علیوف نے پاکستانی عوام کے لیے گرمجوشی سے جواب دیا۔

دونوں رہنماؤں نے امت مسلمہ میں اتحاد کی دعائیں کیں اور ایران و خلیج میں جاری کشیدگی پر تبادلہ خیال کیا۔ وزیراعظم نے آذربائیجان کے خلاف حملوں کی شدید مذمت کرتے ہوئے مشکل گھڑی میں برادر عوام کے ساتھ مکمل یکجہتی اور حمایت کا اظہار کیا۔

دونوں رہنماؤں نے فوری کشیدگی کم کرنے، بات چیت اور سفارتکاری کے ذریعے تمام مسائل کے حل پر زور دیا۔ اس موقع پر پاکستان اور آذربائیجان کے درمیان برادرانہ تعلقات کو مزید مستحکم کرنے کے لیے باہمی عزم کا بھی اعادہ کیا گیا۔