پاکستان حقیقی اقتصادی روابط کیلئے پرعزم، پائیدار ترقی امن سے جڑی ہے: اسحاق ڈار

پاکستان کے نائب وزیر اعظم و وزیرِ خارجہ اسحاق ڈار نے کہا ہے کہ پاکستان خطے میں حقیقی اقتصادی روابط کے قیام کے لیے پُرعزم ہے اور پائیدار ترقی کا راستہ علاقائی امن و استحکام سے وابستہ ہے۔

ماسکو میں شنگھائی تعاون تنظیم (SCO) کے اجلاس سے خطاب کرتے ہوئے اسحاق ڈار نے علاقائی اقتصادی تعاون اور ترقی کے لیے پاکستان کا جامع وژن پیش کیا۔ انہوں نے رابطوں کے فروغ، بنیادی ڈھانچے، ٹرانسپورٹ اور لاجسٹکس کی اہمیت اجاگر کی، جبکہ توانائی، ڈیجیٹل اکانومی، سائنس و ٹیکنالوجی، تعلیم اور ووکیشنل ٹریننگ کے شعبوں میں ایس سی او کی کوششوں کا خیرمقدم کیا۔

اسحاق ڈار نے کہا کہ پاکستان خطے میں پائیدار ترقی، غربت کے خاتمے اور موسمیاتی چیلنجز سے نمٹنے کے لیے مشترکہ کوششوں پر یقین رکھتا ہے۔