امریکہ و اسرائیل کی وحشیانہ بمباری، لیڈرشپ کمپلیکس اور سرکاری میڈیا ہیڈ کوارٹر تباہ

امریکا اور اسرائیل کی تہران پر ایک بار پھر بمباری،آزادی اسکوائر کے قریب گاڑیوں میں آگ لگ گئی،کئی شہری جاں بحق ہو گئے،غیرملکی میڈیا کےمطابق تہران میں لیڈرشپ کمپلیکس پرسو طیاروں سے ڈھائی سو بم گرائے گئے۔ اسرائیلی فوج کا کہنا ہے کہ پچھلے تیس گھنٹے کے دوران ایران پر دو ہزار بم گرائے،ایران کے صدارتی دفتر اور سلامتی کونسل کی عمارت پر بھی حملہ کیا اسرائیلی فوج نے دعویٰ کیا ہے کہ اس نے ایرانی سرکاری نشریاتی ادارے کے ہیڈکوارٹر کو تباہ کردیا۔۔ایرانی میڈیا کے مطابق ایران کےشہرقم میں مجلس خبرگان رہبری کی عمارت پربمباری کی گئی تہران کےانقلاب اسکوائرپربھی بمباری کی گئی،علی خامنہ ای کےصاحبزادے مجتبیٰ خامنہ ای زندہ ہیں وہ ملک کےاہم اموردیکھ رہےہیں، ایرانی فوجی حکام کے مطابق صوبہ کرمان میں تازہ امریکی واسرائیلی حملوں میں مزید تیرہ فوجی شہید ہوگئے۔ایران کے ایک سو ترپن شہروں پر حملوں میں پانچ سو چارمقامات کو نشانہ بنایا گیا۔ ایک ہزار سے زائد حملے کیے گئے۔امریکا میں قائم انسانی حقوق کے ادارے ہیومن رائٹس ایکٹوسٹس نیوز ایجنسی نے دعویٰ کیا ہے کہ اٹھائیس فروری سے اب تک ایران میں ایک ہزار ستانوے شہریوں کے جاں بحق ہونے کی اطلاع موصول ہوئی ہیں،جن میں سے ایک سو اکیاسی بچے بھی شامل ہیں۔