غیر قانونی تارکین وطن کے خلاف زیرو ٹالرنس پالیسی، صدر ٹرمپ نے احتجاج کرنے والوں کو ‘پاگل’ قرار دے دیا

امریکی صدر ڈونلڈ ٹرمپ کہتے ہیں ٹیرف پالیسی کے ذریعے پاک بھارت ایٹمی جنگ سمیت کئی جنگیں رکوائیں،وزیراعظم شہبازشریف نے ہماری کوششوں کو سراہا،،ایران میں بتیس ہزار مظاہرین کو حکومت نے قتل کیا،ہم ایران کے ساتھ ڈیل کی کوششیں کر رہے ہیں
امریکی صدر ٹرمپ اسٹیٹ آف یونین خطاب میں بھی پاک بھارت جنگ کا ذکر کرنا نہ بھولے،،کہا،،پاکستانی وزیراعظم شہبازشریف نے ہماری کوششوں کو سراہا،،
صدر ٹرمپ نے کہا امریکا آج پہلے سے کہیں زیادہ امیر اور بہتر ہے،اسٹیٹ آف یونین مضبوط ہے،امریکا اتنا کامیاب ہورہا ہے کہ لوگ کہ رہے ہیں ہم مزید کامیابیاں نہیں سمیٹ سکتے،،
امریکی صدر نے مزید کہا ایران میں بتیس ہزار مظاہرین کو حکومت نے قتل کیا،ہم نے ایران میں مظاہرین کی پھانسیاں رکوائیں،پہلی مدت صدارت میں قاسم سلیمانی کو نشانہ بنایا،ہم ایران کے ساتھ ڈیل کی کوششیں کر رہے ہیں،ایران ایسے میزائل بنا رہا ہے جو جلد ہی امریکہ تک پہنچ جائیں گے،یقینی بنانا چاہتے ہیں کہ ایران جوہری ہتھیار نہ بنائے،
فلسطین کے حوالے سے امریکی صدر نے کہا کہ غزہ جنگ مکمل طور پر ختم کرنا ترجیح ہے،غزہ جنگ اب بہت چھوٹی سطح پر ہے،
غیرقانونی تارکین وطن کے حوالے صدر ٹرمپ نے کہا کہ ہم نہیں چاہتے کہ غیر قانونی امیگرینٹس امریکہ میں ہوں،افغان دہشتگرد نے وائٹ ہاؤس کے باہر لوگوں کو گولیاں ماریں،افغانستان کے دہشتگرد کو امریکہ میں نہیں ہونا چاہئے تھا
امریکی صدر ڈونلڈ ٹرمپ نے اپنے خطاب کے دوران احتجاج کرنے والوں کو پاگل بھی کہہ ڈالا