وزیراعظم شہباز شریف ‘غزہ بورڈ آف پیس’ اجلاس میں شرکت کے لیے امریکا پہنچ گئے

وزیراعظم پاکستان شہباز شریف غزہ امن بورڈ اجلاس میں شرکت کیلئے امریکا پہنچ گئے،،نائب وزیراعظم اسحاق ڈار بھی وزیراعظم کے ہمراہ اجلاس میں شریک ہوں گے،اجلاس کے موقع پر وزیراعظم کی امریکی قیادت اور عالمی رہنماؤں سے ملاقاتیں بھی متوقع ہیں، شہباز شریف بیس فروری تک امریکا میں قیام کریں گے۔غزہ بورڈ آف پیس اجلاس آج امریکا میں منعقد ہوگا،،ترجمان وائٹ ہاؤس کےمطابق صدر ٹرمپ جمعرات کو بورڈ آف پیس اجلاس کی میزبانی کریں گے۔اجلاس میں بورڈ کے رکن ممالک کی جانب سے 5 ارب ڈالر سے زائد امداد کے وعدوں کا اعلان متوقع ہے، بیس سے زائد ممالک بورڈ آف پیس کے اہم اجلاس میں شرکت کریں گے۔اس حوالے سے امریکی صدر ڈونلڈ ٹرمپ نے بھی کہا کہ غزہ بورڈ آف پیس اجلاس میں غزہ کی تعمیر نو کے حوالے سے غور کیا جائے گا۔