امریکا نے ایران پر دباؤ کے لیے مشرقِ وسطیٰ میں دنیا کا سب سے بڑا بحری بیڑہ تعینات کرنے کا اعلان کر دیا

امریکا نے ایران پر دباؤ بڑھانے کیلئے مشرقِ وسطیٰ میں دنیا کا سب سے بڑا بحری بیڑہ تعینات کرنے کا اعلان کر دیا،،یہ اعلان شمالی کیرولائنا کے فوجی اڈے روانگی کے موقع پر میڈیا سے گفتگو کرتے ہوئے امریکی صدر ڈونلڈ ٹرمپ نے کیا،،صدر ٹرمپ نے کہا کہ دوسرا طیارہ بردارجہاز مشرق وسطیٰ بھیجا جارہا ہے،اگر ایران نے جوہری معاہدہ نہ کیا تو ہمیں اس بحری بیڑے کی ضرورت پڑے گی،،ہم ایران کےساتھ ڈیل چاہتےہیں،توقع ہے ایران کےساتھ مذاکرات کامیاب ہوں گے،مذاکرات کامیاب نہ ہوئےتوایران کےلیے بہت برا ہوگا۔ایران میں اقتدارکی تبدیلی بہترین چیزہوگی جوکہ ہوسکتی ہے، وہ سینتالیس سال سےبس باتیں ہی کرتے آ رہے ہیں۔غیر ملکی میڈیا کی رپورٹ کےمطابق دنیا کا سب سے بڑا طیارہ بردار بحری جہاز یو ایس ایس جیرالڈ آر فورڈ کو کیریبین سمندر سے مشرقِ وسطیٰ روانہ کیا جا رہا ہے، جہاں وہ پہلے سے موجود امریکی جنگی بیڑے میں شامل ہوگا۔امریکی بحری بیڑہ یو ایس ایس ابراہم لنکن اور اس کے ہمراہ گائیڈڈ میزائل ڈسٹرائرز گزشتہ دو ہفتوں سے خطے میں تعینات ہیں۔