لاہور : رنگارنگ بسنت میلے کا اختتام، تینوں روز شہریوں نے خوب پیچ لڑائے
Web Desk
9 February 2026
لاہور میں تین روز تک جاری رہنے والا رنگارنگ بسنت میلہ اختتام کو پہنچ گیا، جس دوران شہریوں نے بھرپور انداز میں پتنگ بازی کا لطف اٹھایا اور خوب پیچ لڑائے۔
شہریوں کے جوش و خروش اور قواعد و ضوابط کی پابندی کو دیکھتے ہوئے وزیراعلیٰ پنجاب مریم نواز نے بھی اطمینان کا اظہار کیا۔ انہوں نے سماجی رابطے کی ویب سائٹ ایکس پر اپنے پیغام میں کہا کہ “لاہوریوں نے ہمارے اعتماد کی لاج رکھی اور ایس او پیز پر عمل کر کے محفوظ بسنت کا تصور عملی طور پر ثابت کیا۔”
وزیراعلیٰ نے مزید کہا کہ چھتوں پر حفاظتی اقدامات کے تحت بسنت منائی گئی، جبکہ لبرٹی اور اندرونِ شہر سمیت مختلف مقامات پر 200 کلینک آن ویل تعینات کیے گئے تھے اور 21 فیلڈ ہسپتال بھی فعال رہے۔
انہوں نے شہریوں کو احتیاط جاری رکھنے کی ہدایت کرتے ہوئے کہا کہ سیف بسنت ماڈل کو دیگر شہروں میں بھی متعارف کرایا جائے گا۔
بسنت میلے کے دوران شہر کی فضا رنگ برنگی پتنگوں سے سجی رہی اور لاہور ایک بار پھر روایتی ثقافتی رنگوں میں ڈوبا دکھائی دیا۔
متعلقہ عنوانات
اینتھروپک کے حصص کی فروخت، کمپنی کی مالیت 15 کھرب تک پہنچ گئی
20 November 2026
ورلڈ آرٹ دبئی میں 10 ہزار فن پارے نمائش کیلئے پیش، قیمتیں 100 سے 20 ہزار ڈالر تک
20 November 2026
جدید تحقیق اور ٹیکنالوجی کے فروغ کیلئے شارجہ انوویشن ڈیز 2026ء کا افتتاح کر دیا گیا
20 November 2026
پاکستان سمیت 15 ممالک کی مقبوضہ فلسطینی علاقوں میں اسرائیلی بستیوں کی تعمیر کی مذمت
20 November 2026
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز
19 November 2026
شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر
19 November 2026
ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ
19 November 2026
خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ
19 November 2026