ایران معاملہ: نیتن یاہو اور ٹرمپ کی اہم ملاقات اگلے ہفتے متوقع

ایران کے معاملے پر اسرائیلی وزیراعظم بنیامین نیتن یاہو اور امریکی صدر ڈونلڈ ٹرمپ کے درمیان اگلے ہفتے ملاقات ہوگی۔ اسرائیلی وزیراعظم کے دفتر سے جاری بیان کے مطابق نیتن یاہو بدھ کے روز واشنگٹن میں صدر ٹرمپ سے ملاقات کریں گے۔

بیان میں کہا گیا ہے کہ ملاقات کے دوران امریکا اور ایران کے درمیان جاری مذاکرات پر تفصیلی تبادلہ خیال کیا جائے گا۔ اسرائیلی وزیراعظم کے دفتر کے مطابق نیتن یاہو کا مؤقف ہے کہ ان مذاکرات میں ایران کے بیلسٹک میزائل پروگرام کو بھی شامل کیا جانا چاہیے۔

یاد رہے کہ ایران نے عمان میں ہونے والے مذاکرات کے دوران یورینیم افزودگی روکنے کے امریکی مطالبے کو مسترد کر دیا تھا۔ علاقائی سفارتکاروں کے مطابق مسقط میں ہونے والے مذاکرات میں ایران کی میزائل صلاحیتوں پر کوئی بات چیت نہیں ہوئی۔