اپوزیشن رہنماؤں کا پمز اسپتال کا دورہ، حکومت سے نیشنل ایکشن پلان پر عمل اور اے پی سی بلانے کا مطالبہ
Web Desk
7 February 2026
اسلام آباد: اپوزیشن رہنماؤں نے پمز اسپتال کا دورہ کیا اور دہشتگردی کے حالیہ واقعے میں زخمی ہونے والوں کی عیادت کی۔ اس موقع پر انہوں نے قومی اتحاد، نیشنل ایکشن پلان پر عملدرآمد اور آل پارٹیز کانفرنس بلانے کا مطالبہ کیا۔
سابق اسپیکر قومی اسمبلی اسد قیصر نے میڈیا سے گفتگو کرتے ہوئے کہا کہ ہم اس پاکستان کو جانتے ہیں جہاں شیعہ سنی بھائی بھائی ہیں۔ انہوں نے اعلان کیا کہ کل پرامن احتجاج کیا جائے گا اور صبح مسجد میں دعا کا اہتمام ہوگا۔
مصطفیٰ نواز کھوکھر نے کہا کہ لوگ کندھوں پر جنازے اٹھا اٹھا کر تھک چکے ہیں اور ہر کسی پر فتوے لگانے کی سوچ کو ختم کرنا ہوگا۔ انہوں نے کہا کہ ہم ایسے دن بار بار دیکھ کر تنگ آ چکے ہیں۔
انہوں نے حکومت پر تنقید کرتے ہوئے کہا کہ حکومت چاہے فارم 47 کی ہو مگر اسے نیشنل ایکشن پلان پر سنجیدگی سے عمل کرنا چاہیے۔ ان کا کہنا تھا کہ ایک کل جماعتی کانفرنس بلائی جائے تاکہ تمام سیاسی قوتیں مل بیٹھ کر متفقہ فیصلہ کریں کیونکہ بین الاقوامی سازشیں پاکستان پر نظریں جمائے کھڑی ہیں۔
مصطفیٰ نواز کھوکھر نے کہا کہ کچھ عناصر کا مقصد صرف اقتدار کی طوالت ہے، خدا پاکستان کے دشمن کو غرق کرے اور ہمیں آپس میں اتحاد کی توفیق دے۔ انہوں نے 8 فروری کو عوام کی تضحیک کا دن قرار دیتے ہوئے عوام سے اپیل کی کہ وہ کل گھروں میں رہیں اور باہر نہ نکلیں۔
پختونخوا ملی عوامی پارٹی کے سربراہ محمود خان اچکزئی نے کہا کہ پاکستان کو دہائیوں پہلے دوسروں کی جنگوں میں جھونک دیا گیا۔ انہوں نے کہا کہ قبائلی علاقوں میں دنیا بھر کے جنگجوؤں کو جمع کیا گیا اور دہشتگردی کو پروان چڑھایا گیا، آج ہم وہی فصل کاٹ رہے ہیں۔
ان کا کہنا تھا کہ بے انصافی سے نہ گھر چل سکتا ہے اور نہ ملک، پاکستان کو درپیش مشکلات ہمارے اپنے اعمال کا نتیجہ ہیں۔
متعلقہ عنوانات
موسمیاتی تبدیلی ہماری تہذیب اور تاریخی ورثے کیلئے بڑا خطرہ بن چکی: مصدق ملک
22 November 2026
میرعلی سے دہشت گردوں کا چھپایا گیا اسلحہ اور بارودی مواد کا بڑا ذخیرہ برآمد
22 November 2026
مکہ معاہدے کے تحت سعودی عرب کا دفاع ترجیح ہے، حاقان فیدان
22 November 2026
مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا
22 November 2026
خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور
22 November 2026
پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا
22 November 2026
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026