عمان : ایران نے امریکی یورینیم افزودگی کی روک تھام کا مطالبہ مسترد کر دیا

ایران نے عمان میں ہونے والے مذاکرات کے دوران امریکا کی جانب سے یورینیم افزودگی روکنے کے مطالبے کو مسترد کر دیا ہے۔ ایران سے منسلک ایک علاقائی سفارتکار نے بتایا کہ تہران افزودگی کی سطح اور خالصیت یا کسی علاقائی کنسورشیم پر بات چیت کے لیے تیار ہے۔

سفارتکار کے مطابق، امریکی مذاکرات کار ایران کے مؤقف کو سمجھتے نظر آئے اور تہران کے مطالبات پر لچک دکھائی گئی۔ مذاکرات میں ایران کی میزائل صلاحیتوں پر کوئی بات نہیں ہوئی۔

ایران کی سرکاری خبر رساں ایجنسی کے مطابق، مسقط میں مذاکرات کا دور مکمل ہو گیا اور جائزوں سے ظاہر ہوتا ہے کہ مذاکرات جاری رکھنے پر اتفاق کیا گیا ہے۔