LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

ملک کا کوئی حصہ دہشت گردوں سے محفوظ نہیں : مولانا فضل الرحمان

Web Desk

6 February 2026

اسلام آباد: جے یو آئی کے سربراہ مولانا فضل الرحمان نے راولپنڈی میں امام بارگاہ میں ہونے والے دھماکے کی شدید الفاظ میں مذمت کی ہے۔ انہوں نے متاثرہ خاندانوں سے تعزیت کا اظہار کیا اور زخمیوں کی جلد صحتیابی کے لیے دعا کی۔

مولانا فضل الرحمان نے کہا کہ یہ دھماکہ افسوسناک اور قابل مذمت ہے، حملہ آور انسانیت کے دشمن ہیں اور کسی رعایت کے مستحق نہیں۔ انہوں نے کہا کہ خیبر پختونخوا، بلوچستان کے بعد اب اسلام آباد میں بھی مسلسل دہشت گردانہ کارروائیاں ہو رہی ہیں، اور ملک کا کوئی حصہ دہشت گردوں سے محفوظ نہیں۔

انہوں نے فرقہ وارانہ فسادات پھیلانے والے قومی و بین الاقوامی عناصر کی مجرمانہ ذہنیت کو نظرانداز نہ کرنے کی ضرورت پر زور دیا اور کہا کہ اہم سانحوں کے بعد حکمرانوں کے دورے اور مذمتی بیانات پر انحصار کرکے قوم کو مطمئن نہیں کیا جا سکتا۔

مولانا فضل الرحمان نے مزید کہا کہ جب ادارے سیاسی مداخلت سے آزاد ہوں گے، تب ہی امن و امان اور عوام کے جان و مال کے تحفظ پر توجہ دی جا سکتی ہے۔ انہوں نے سوال کیا کہ درجنوں انٹیلی جنس ایجنسیوں کے ہوتے ہوئے اسلام آباد میں دن کو خون آلود کیوں کیا گیا اور ریاستی ادارے کب عوام کی مایوسی دور کریں گے اور زخموں کا مرہم بنیں گے۔

سربراہ جے یو آئی نے عوام کے مستقبل اور آنے والی نسلوں کی حفاظت کے لیے نظام بنانے کی ضرورت پر زور دیتے ہوئے کہا کہ وہ متاثرہ خاندانوں کے دکھ درد میں شریک ہیں اور ان کے ساتھ کھڑے ہیں۔