LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

پاکستان اور ازبکستان: مشترکہ اعلامیہ جاری، اسٹریٹجک شراکت داری اور تجارت میں اضافہ اولین ترجیح

Web Desk

6 February 2026

اسلام آباد / تاشقند: ازبک صدر شوکت میرضیایوف کے 5 اور 6 فروری کو پاکستان کے کامیاب سرکاری دورے کے بعد دونوں ممالک نے مشترکہ اعلامیہ جاری کیا۔ اعلامیے کے مطابق پاکستان اور ازبکستان نے اسٹریٹجک شراکت داری کو مزید مضبوط بنانے اور 2029 تک دوطرفہ تجارت کا حجم 2 ارب ڈالر تک بڑھانے کا عزم کیا ہے۔

اعلامیے میں دونوں ممالک نے افغانستان، پاکستان، اور ازبکستان ریلوے منصوبے کی جلد تکمیل اور پاکستان کی بندرگاہوں و عالمی معیار کی سڑکوں تک ازبکستان کی رسائی کو یقینی بنانے پر اتفاق کیا۔ صنعتی شعبوں میں بھی تعاون بڑھانے پر زور دیا گیا، جس میں مشترکہ صنعتی زونز، ٹیکسٹائل، فارماسیوٹیکل اور چمڑے کی صنعت شامل ہیں۔

اعلامیے میں افغانستان میں امن و استحکام کو علاقائی خوشحالی کے لیے ناگزیر قرار دیا گیا اور افغان سرزمین کو دہشت گردی کے لیے استعمال ہونے سے روکنے اور دہشت گرد تنظیموں کے خاتمے کے لیے اقدامات کا مطالبہ کیا گیا۔

مزید براں، 1967 سے پہلے کی سرحدوں کے مطابق آزاد اور خودمختار فلسطینی ریاست کے قیام کی مکمل حمایت کا اعادہ کیا گیا، جبکہ بابری سلطنت کے علمی، ثقافتی اور تعمیراتی ورثے کے تحفظ اور تحقیق کے لیے خصوصی معاہدے پر دستخط کیے گئے۔

اعلامیے میں اعلیٰ تعلیم، مشترکہ ریسرچ اور اردو و ازبک زبانوں کے فروغ کے لیے تعاون بڑھانے کا فیصلہ کیا گیا۔ تاشقند سے اسلام آباد اور لاہور کے لیے براہِ راست پروازوں کے آغاز کا خیرمقدم بھی کیا گیا، جس سے سیاحت میں اضافے کی توقع ہے۔

آخر میں ازبکستان نے شنگھائی تعاون تنظیم (SCO) اور ECO میں پاکستان کی صدارت کی مکمل حمایت کا اعلان کیا۔