پاکستان اسٹاک ایکسچینج: ہفتہ وار کاروبار میں شدید مندی، 100 انڈیکس 4,992 پوائنٹس گھٹ گیا

پاکستان اسٹاک ایکسچینج (PSX) میں گزشتہ ہفتے شدید مندی کا رجحان رہا۔
ہفتہ وار کاروبار کے دوران 100 انڈیکس میں 4,992 پوائنٹس کی کمی ہوئی، اور یہ انڈیکس کاروباری ہفتے کے اختتام پر 189,166 سے گھٹ کر 184,174 پوائنٹس پر بند ہوا۔

مارکیٹ نے پانچ نفسیاتی حدیں کھو دیں جبکہ ہفتے میں تین دن مندی اور دو دن تیزی کا رجحان رہا۔ ہفتے کے دوران انڈیکس کی بلند ترین سطح 191,032 پوائنٹس رہی جبکہ کم ترین سطح 181,961 پوائنٹس ریکارڈ کی گئی۔

پانچ روزہ کاروبار کے دوران مارکیٹ کیپٹلائزیشن میں 391 ارب روپے کی کمی آئی، جس کے بعد مارکیٹ کیپٹلائزیشن 20,827 ارب روپے پر آ گئی۔

تجزیہ کاروں کا کہنا ہے کہ مارکیٹ میں یہ مندی عالمی مارکیٹ کے رجحانات اور ملکی اقتصادی صورتحال کی عکاسی کرتی ہے۔