LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

وفاقی آئینی عدالت نے سپر ٹیکس درست قرار دے دیا، ہائیکورٹس کے فیصلے جزوی کالعدم

Web Desk

27 January 2026

وفاقی آئینی عدالت نے سپر ٹیکس کیس کا فیصلہ سناتے ہوئے ہائیکورٹس کی جانب سے انکم ٹیکس آرڈیننس کے سیکشن 4 سی سے متعلق دیے گئے فیصلوں کو جزوی طور پر کالعدم قرار دے دیا جبکہ سپر ٹیکس کو برقرار رکھا ہے۔

چیف جسٹس وفاقی آئینی عدالت امین الدین خان نے سپر ٹیکس کیس میں مختصر فیصلہ سنایا۔ کیس کی سماعت چیف جسٹس امین الدین خان کی سربراہی میں جسٹس حسن رضوی اور جسٹس ارشد حسین شاہ پر مشتمل بنچ نے کی۔

عدالت نے قرار دیا کہ کیس کے قابلِ سماعت ہونے سے متعلق اعتراضات مسترد کیے جاتے ہیں اور انکم ٹیکس آرڈیننس کے سیکشن 4 بی (2015) کو برقرار رکھا جائے گا۔ ہائیکورٹس کے سیکشن 4 سی سے متعلق فیصلے جزوی طور پر کالعدم قرار دیے جاتے ہیں۔

وفاقی آئینی عدالت نے سپر ٹیکس سے متعلق 2015 کی درخواستیں مسترد کرتے ہوئے کہا کہ پارلیمنٹ کو آمدن پر ٹیکس عائد کرنے کا آئینی اختیار حاصل ہے۔ عدالت نے سپر ٹیکس کے حوالے سے 2022 کی درخواستیں بھی مسترد کر دیں۔

عدالت نے واضح کیا کہ آئل اینڈ گیس سیکٹر میں اگر کسی فرد کو رعایت بنتی ہے تو وہ متعلقہ فورم سے رجوع کر سکتا ہے، جبکہ مضاربہ، میوچل فنڈز اور بینیفٹ فنڈز پر سپر ٹیکس لاگو نہیں ہو گا۔

عدالتی فیصلے کے مطابق مختلف شعبہ جات کے لیے دی گئی الگ الگ قانونی رعایتیں برقرار رہیں گی۔

واضح رہے کہ چند گھنٹے قبل کیس کی سماعت مکمل ہونے کے بعد فیصلہ محفوظ کیا گیا تھا۔ دوران سماعت مختلف کمپنیوں کے وکیل مخدوم علی خان نے جواب الجواب دلائل مکمل کیے۔

عدالت کے اس فیصلے سے وفاقی حکومت کو 300 ارب روپے سے زائد کا مالی فائدہ متوقع ہے اور سپر ٹیکس سے متعلق قانونی ابہام کا خاتمہ ہو گیا ہے، جس کے بعد حکومتی مؤقف کو آئینی تحفظ حاصل ہو گیا ہے۔