LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

سانحہ گل پلازہ پر تحقیقات، سیاست برداشت نہیں کی جائے گی: شرجیل انعام میمن

Web Desk

27 January 2026

کراچی: سندھ حکومت نے کہا ہے کہ سانحہ گل پلازہ پر کابینہ کمیٹی انکوائری رپورٹ کی بنیاد پر فیصلے کرے گی اور رپورٹ کی روشنی میں ذمہ داروں کے خلاف کارروائی کی جائے گی۔ حکومتی ذرائع کے مطابق وزیراعلیٰ سندھ اس سانحے کے بعد مسلسل اجلاس کر رہے ہیں اور روزانہ کی بنیاد پر پیش رفت کا جائزہ لے رہے ہیں۔

سینئر وزیر شرجیل انعام میمن نے کہا کہ فائر آڈٹ کا عمل جاری ہے جبکہ بلڈنگ کنٹرول اتھارٹی اور اسسٹنٹ کمشنرز پر مشتمل کمیٹی عمارتوں میں قواعد و ضوابط پر عمل درآمد کو یقینی بنائے گی۔ ان کا کہنا تھا کہ اندازہ ہے کہ ملک بھر میں تقریباً 90 فیصد عمارتوں میں بلڈنگ قوانین پر مکمل عمل نہیں ہو رہا جبکہ اسلام آباد میں بھی 50 فیصد سے زائد عمارتیں فائر سیفٹی نظام سے محروم ہیں۔

انہوں نے الزام لگایا کہ کچھ سیاسی جماعتیں، بالخصوص ایم کیو ایم، اس سانحے کو پروپیگنڈا کے طور پر استعمال کر رہی ہیں۔ ان کا کہنا تھا کہ گل پلازہ سانحے پر ہر آنکھ اشکبار ہے لیکن بعض عناصر نے انسانی المیے پر سیاست شروع کر دی۔

شرجیل میمن نے کہا کہ جن شہدا کی شناخت ہو چکی ہے، ان کے اہلِ خانہ کو گھروں پر چیک فراہم کیے جا رہے ہیں۔ انہوں نے واضح کیا کہ حکومت اس سانحے سے بری الذمہ نہیں، اسی لیے انکوائری کمیٹی تشکیل دی گئی اور لاہور سے فرانزک ٹیم بھی طلب کی گئی۔

انہوں نے کہا کہ اگر ضرورت پڑی تو جوڈیشل کمیشن بھی قائم کیا جائے گا، تاہم رپورٹ آنے سے قبل سیاست کرنا افسوسناک ہے۔ ان کا کہنا تھا کہ شہر کو نقصان پہنچانے والے عناصر مردہ سیاست کو زندہ کرنے کی کوشش کر رہے ہیں، جو کامیاب نہیں ہوگی۔

سینئر وزیر نے مزید کہا کہ جس سیاسی رہنما کو سیکیورٹی درکار ہو، اسے پولیس سیکیورٹی فراہم کی جا رہی ہے اور جھوٹے پروپیگنڈے کو مسترد کیا جاتا ہے۔ انہوں نے عوام سے اپیل کی کہ افواہوں پر کان نہ دھریں اور لواحقین کے ساتھ ہمدردی کا مظاہرہ کریں۔