صدر ڈونلڈ ٹرمپ کا گرین لینڈ میں امریکی اڈوں والے علاقوں کو ضم کرنے اعلان

امریکی صدر ڈونلڈ ٹرمپ نے کہا ہے کہ امریکا گرین لینڈ میں ان علاقوں پر اپنی خودمختاری قائم کرے گا جہاں امریکی فوجی اڈے موجود ہیں۔
عالمی میڈیا کے مطابق نیویارک پوسٹ کو دیے گئے ایک انٹرویو میں صدر ٹرمپ کا کہنا تھا کہ گرین لینڈ میں امریکی فوجی موجودگی امریکا کے اسٹریٹجک مفادات کے تحفظ کے لیے ناگزیر ہے۔
رپورٹ کے مطابق امریکی محکمہ دفاع پینٹاگون کی ایک دستاویز میں کہا گیا ہے کہ روس نیٹو کے مشرقی رکن ممالک کے لیے بدستور ایک مستقل مگر قابلِ قابو خطرہ بنا رہے گا۔
پینٹاگون صدر ٹرمپ کو ایسے آپشنز فراہم کرے گا جن کے ذریعے امریکا کو دنیا بھر میں، بالخصوص گرین لینڈ جیسے اہم اسٹریٹجک مقامات تک فوجی اور تجارتی رسائی حاصل رہے۔