وزیر اعلیٰ خیبرپختونخوا سہیل آفریدی کی زیر صدارت روڈ سیکٹر کے سگنیچر منصوبوں کا جائزہ اجلاس
Web Desk
24 January 2026
وزیر اعلیٰ خیبرپختونخوا محمد سہیل آفریدی کی زیر صدارت روڈ سیکٹر کے سگنیچر منصوبوں سے متعلق اہم جائزہ اجلاس منعقد ہوا، جس میں صوبے میں جاری اور مجوزہ موٹر وے منصوبوں پر پیشرفت کا تفصیلی جائزہ لیا گیا۔
اجلاس میں وزیر اعلیٰ نے پشاور ڈی آئی خان موٹر وے کو وفاق کے بجائے صوبائی وسائل سے تعمیر کرنے کا فیصلہ کیا اور متعلقہ محکموں کو ہدایت کی کہ منصوبے سے متعلق تمام تر لوازمات 10 فروری تک مکمل کیے جائیں۔ وزیر اعلیٰ نے پشاور ڈی آئی خان موٹر وے کو گرین موٹر وے بنانے کی بھی ہدایت کی۔
وزیر اعلیٰ سہیل آفریدی نے سوات ایکسپریس وے فیز ٹو پر سول ورک 31 جنوری سے شروع کرنے کا فیصلہ بھی کیا۔ اجلاس میں پشاور ڈی آئی خان، دیر موٹر وے اور سوات ایکسپریس وے فیز ٹو پر اب تک ہونے والی پیشرفت کا جائزہ لیا گیا۔
وزیر اعلیٰ نے کہا کہ موٹر ویز کی تعمیر صوبائی حکومت کے سگنیچر منصوبوں میں شامل ہے اور ان منصوبوں پر مقررہ ٹائم لائنز کے مطابق پیشرفت یقینی بنائی جائے۔ ان کا کہنا تھا کہ ان منصوبوں پر عملدرآمد میں کسی قسم کی تاخیر برداشت نہیں کی جائے گی اور وہ خود ان کی نگرانی کریں گے۔
انہوں نے کہا کہ خیبرپختونخوا حکومت عوامی مفاد کے منصوبوں کے لیے تمام تر وسائل ترجیحی بنیادوں پر فراہم کرے گی۔ وزیر اعلیٰ نے مزید کہا کہ میگا منصوبوں کی بروقت تکمیل کو یقینی بنانے کے لیے باقاعدہ قانون سازی بھی کی جائے گی۔
وزیر اعلیٰ سہیل آفریدی کا کہنا تھا کہ چاہے حکومت کسی بھی جماعت کی ہو، عوامی مفاد کے منصوبے بغیر کسی تاخیر کے مکمل ہونے چاہئیں۔ انہوں نے کہا کہ صوبے میں کاروبار، روزگار اور تجارت کے فروغ کے لیے سڑکوں کا جال بچھایا جا رہا ہے۔
وزیر اعلیٰ کے مطابق نئی موٹر ویز کی تعمیر سے مقامی معیشت کو تقویت ملے گی، روزگار کے نئے مواقع پیدا ہوں گے اور مجموعی طور پر ترقیاتی سرگرمیوں میں نمایاں اضافہ ہوگا۔
متعلقہ عنوانات
مکہ معاہدے کے تحت سعودی عرب کا دفاع ترجیح ہے، حاقان فیدان
22 November 2026
مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا
22 November 2026
خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور
22 November 2026
پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا
22 November 2026
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026