LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

پنجاب حکومت کا ’’اپنی چھت اپنا گھر‘‘ پروگرام کو مزید توسیع دینے کا فیصلہ

Web Desk

23 January 2026

صوبائی حکومت نے اپنے انقلابی منصوبے ’’اپنی چھت، اپنا گھر‘‘ کو مزید وسعت دینے کا فیصلہ کر لیا ہے۔ وزیراعلیٰ پنجاب مریم نواز شریف نے جوائنٹ فیملی سسٹم کے فروغ اور سماجی ہم آہنگی کے استحکام کیلئے ایک جامع اور تاریخی پیکیج کا اعلان کیا ہے۔

سانجھے چُلھے، سانجھے ویہڑے اور ’’اپنی چھت بھی سانجھی‘‘ کے تصور کے تحت حکومت پنجاب نے جوائنٹ فیملیز کو خصوصی سہولت فراہم کرنے کا فیصلہ کیا ہے۔ وزیراعلیٰ مریم نواز نے منصوبے کا دائرہ کار بڑھاتے ہوئے جوائنٹ فیملیز کو گھروں کی توسیع کیلئے بلاسود اور آسان اقساط پر قرضے فراہم کرنے کی منظوری دے دی ہے۔

وزیراعلیٰ پنجاب نے جون 2026ء تک ایک لاکھ 60 ہزار گھر تعمیر کرنے کا بڑا ہدف مقرر کر دیا ہے۔ اس کے ساتھ ہی ایسے شہری جن کے پاس اپنی زمین موجود نہیں، انہیں زمین فراہم کرنے اور گھر بنانے کیلئے بلاسود قرض دینے کا بھی فیصلہ کیا گیا ہے۔

مریم نواز شریف نے ’’اپنی زمین، اپنا گھر‘‘ پروگرام کے تحت 1534 پلاٹس کی الاٹمنٹ کی منظوری دے دی ہے۔ پہلے مرحلے میں جہلم میں 194، قصور میں 129، فیصل آباد میں 84 اور لودھراں میں 59 پلاٹس بذریعہ قرعہ اندازی دیے جائیں گے۔

وزیراعلیٰ نے پلاٹس کی جلد از جلد قرعہ اندازی اور اپنی چھت، اپنا گھر منصوبے کے فنڈز میں اضافے کیلئے فوری اقدامات کی ہدایت بھی جاری کی۔

اس سلسلے میں وزیراعلیٰ کی زیر صدارت خصوصی اجلاس منعقد ہوا، جس میں سیکرٹری ہاؤسنگ اور ڈی جی پھاٹا نے تفصیلی بریفنگ دی۔ بریفنگ کے مطابق منصوبے کے تحت 18 لاکھ 80 ہزار 81 صارفین رجسٹرڈ ہیں جبکہ 10 لاکھ 66 ہزار 559 درخواستیں موصول ہو چکی ہیں۔ اب تک پنجاب بھر میں 67 ہزار 197 گھر آباد ہو چکے ہیں جبکہ 53 ہزار 843 مکانات زیر تعمیر ہیں۔

بریفنگ میں بتایا گیا کہ اس منصوبے کے تحت 164 ارب 66 کروڑ روپے کے تاریخی بلاسود قرضے جاری کیے جا چکے ہیں اور ریکوری کی شرح 99 فیصد ہے۔ وزیراعلیٰ نے دوسری قسط کی جلد ادائیگی اور صارفین کے انتقال کی صورت میں خصوصی پالیسی مرتب کرنے کی بھی ہدایت جاری کی تاکہ متاثرہ خاندانوں کو سہولت فراہم کی جا سکے۔