یورپی یونین نے امریکا کے ساتھ تجارتی معاہدہ معطل کرنے کی منظوری دے دی

 یورپی یونین نے امریکی دھمکیوں اور گرین لینڈ پر قبضے کی بار بار خواہش کے بعد امریکا کے ساتھ حالیہ تجارتی معاہدہ معطل کرنے کی منظوری دے دی ہے۔

رپورٹس کے مطابق یہ معاہدہ گزشتہ سال طے پایا تھا، جس کے تحت امریکی ٹیرف زیادہ تر یورپی مصنوعات پر 30 فیصد کے بجائے 15 فیصد مقرر کیے گئے تھے۔ یورپ نے امریکی سرمایہ کاری اور برآمدات بڑھانے کے لیے اقدامات کرنے کی بھی رضامندی ظاہر کی تھی۔

تاہم گرین لینڈ کے حوالے سے امریکی دھمکیوں کے بعد یورپی پارلیمنٹ کی بین الاقوامی تجارتی کمیٹی کے چیئرمین کا کہنا تھا کہ امریکی رویے سے یورپی یونین کی خودمختاری اور علاقائی سالمیت خطرے میں پڑ گئی ہے۔ انہوں نے کہا کہ اب معمول کے تجارتی تعلقات ممکن نہیں، اس لیے معاہدہ معطل کرنے کے سوا کوئی چارہ نہیں رہا۔