میگھن کو اذیت دینے کا الزام، شہزادہ ہیری عدالت میں جذباتی ہو گئے
Web Desk
21 January 2026
لندن: ڈیلی میل کے خلاف نجی معلومات کی خلاف ورزی کے مقدمے میں شہزادہ ہیری لندن ہائی کورٹ میں پیش ہوئے، جہاں بیان ریکارڈ کرواتے ہوئے وہ جذباتی ہو گئے اور ان کی آنکھیں نم ہو گئیں۔
سماعت کے دوران پرنس ہیری نے کہا کہ ڈیلی میل اور اس کے ناشر ادارے ایسوسی ایٹڈ نیوز پیپرز نے ان کی اہلیہ میگھن مارکل کی زندگی کو شدید مشکلات میں ڈال دیا۔ ان کے مطابق اخبار نے بے بنیاد اور تکلیف دہ خبریں شائع کر کے ان کی نجی زندگی کو نشانہ بنایا۔
انہوں نے عدالت کو بتایا کہ 2022 میں مقدمہ دائر کرنے کے بعد میڈیا کا رویہ ان کے خلاف مزید سخت ہو گیا۔ ان کا کہنا تھا کہ وہ صرف معافی اور ذمہ داری چاہتے تھے، لیکن اس کے بجائے انہیں دوبارہ اسی اذیت سے گزرنا پڑ رہا ہے۔
شہزادہ ہیری نے کہا کہ ایسوسی ایٹڈ نیوز پیپرز کے دفاعی دلائل ناقابل قبول ہیں اور ان سے یہ حق چھینا جا رہا ہے کہ وہ اپنی نجی زندگی کی حفاظت کر سکیں۔ ان کے مطابق عدالت میں کھڑے ہو کر ان سب واقعات کو دہرانا ذہنی طور پر انتہائی تکلیف دہ ہے۔
دوسری جانب، ناشر ادارے نے الزامات کو مسترد کرتے ہوئے کہا ہے کہ صحافیوں نے جائز ذرائع سے معلومات حاصل کیں۔ تاہم پرنس ہیری نے اس مؤقف کو سختی سے رد کرتے ہوئے کہا کہ ان کا کسی صحافی سے کوئی ذاتی تعلق نہیں رہا۔
یہ مقدمہ نو ہفتوں تک جاری رہے گا۔ اداکارہ الزبتھ ہرلی بھی بطور گواہ عدالت میں پیش ہوں گی۔ یاد رہے کہ پرنس ہیری اور دیگر چھ مدعیان، جن میں گلوکار ایلٹن جان بھی شامل ہیں، ڈیلی میل کے ناشر کے خلاف مقدمہ لڑ رہے ہیں۔ اخبار پر فون ہیکنگ، خفیہ نگرانی اور دھوکے سے معلومات حاصل کرنے کے الزامات ہیں۔
متعلقہ عنوانات
مکہ معاہدے کے تحت سعودی عرب کا دفاع ترجیح ہے، حاقان فیدان
22 November 2026
مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا
22 November 2026
خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور
22 November 2026
پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا
22 November 2026
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026