LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

گڈ گورننس روڈ میپ کے تحت خیبرپختونخوا میں سروس ڈیلیوری بہتر بنانے کے لیے بڑے فیصلے

Web Desk

21 January 2026

پشاور میں وزیر اعلیٰ خیبرپختونخوا سہیل آفریدی کی زیر صدارت گڈ گورننس روڈ میپ کے تحت پانچویں ڈسٹرکٹ سروس ڈیلیوری کانفرنس منعقد ہوئی، جس میں صوبے بھر میں عوامی سہولیات کی فراہمی، شکایات کے ازالے اور انتظامی کارکردگی کا تفصیلی جائزہ لیا گیا۔

وزیر اعلیٰ نے بنیادی و دیہی مراکز صحت کے لیے ڈاکٹرز کی 700 نئی آسامیوں کی تخلیق ایک ہفتے کے اندر مکمل کرنے کی ہدایت کی۔ ان کا کہنا تھا کہ غیر ضروری ریفرل سسٹم کم کرنے کے لیے مقامی سطح پر مراکز صحت کو مؤثر بنانا ناگزیر ہے۔

اجلاس میں ممکنہ قدرتی آفات سے نمٹنے کے لیے متعلقہ محکموں کو پیشگی فلڈ کنٹیجنسی پلان مرتب کر کے ضلعی انتظامیہ کو ارسال کرنے، سیاحتی مقامات پر ایمرجنسی صورتحال میں مؤثر رابطہ میکنزم قائم کرنے اور بڑے روڈز پر اسٹریٹ لائٹس دو ہفتوں میں فعال بنانے کی ہدایات بھی جاری کی گئیں۔

وزیر اعلیٰ نے دارالامانوں میں وارڈنز کی تعیناتی کو ترجیحی بنیادوں پر مکمل کرنے، سوات دارالامان کی عمارت جلد مکمل کرنے اور دیگر دارالامانوں کے لیے مستقل عمارتوں کی اسکیم لانے کا حکم دیا۔

بریفنگ میں بتایا گیا کہ ڈسٹرکٹ سروس ڈیلیوری کے پہلے مرحلے کے تحت مجموعی کارکردگی 87 فیصد رہی جبکہ شکایات کے حل کی شرح میں 20 فیصد اضافہ ہوا۔ 70 فیصد شکایات حل کی جا چکی ہیں جبکہ باقی پر پیش رفت جاری ہے۔

اس موقع پر ڈسٹرکٹ سروس ڈیلیوری 2.0 کا باضابطہ اجرا بھی کیا گیا، جس میں مزید دس نئے پبلک سروس ایریاز شامل کیے گئے ہیں۔