بھارت میں ورلڈکپ میچزنہیں کھیل سکتے، گروپ تبدیل کیاجائے، بنگلہ دیش ڈٹ گیا

بنگلادیش کرکٹ بورڈ ٹی ٹوئنٹی ورلڈکپ کے لیے ٹیم بھارت نہ بھیجنےکےمؤقف پرڈٹ گیا۔ڈھاکا میں آئی سی سی وفد کے ساتھ میٹنگ کا اعلامیہ جاری کردیا۔بی سی بی کے مطابق آئی سی سی  سے ورلڈکپ میں شرکت کے معاملے پر بحث ہوئی اوربنگلا دیش کے میچز دوسرے وینیوپر منتقل کرنےکی باضابطہ درخواست دُہرائی گئی۔آئی سی سی وفد کے ساتھ بنگلا دیشی حکومت کی ہدایات اور بھارت میں سیکیورٹی خدشات پربھی بات چیت کی گئی۔

اعلامیے میں کہاگیاہےکہ تمام گفتگو خوشگوار اور پیشہ ورانہ ماحول میں ہوئی، فریقین نے متعلقہ امور پر کھل کر تبادلہ خیال کیا۔ لاجسٹک معاملات کو دیکھتے ہوئے بنگلا دیش کو کسی دوسرےگروپ میں منتقل کرنےکے امکان پر بھی بات ہوئی۔آئی سی سی وفد میں جنرل منیجر ایونٹس اینڈکارپوریٹ کمیونیکیشنز گوروو سکسینہ اور جنرل منیجر انٹیگریٹی یونٹ اینڈریو ایفرگریو شامل تھے، گوروو سکسینا ویزا تاخیر نہ ملنے کے باعث آن لائن شریک ہوئے۔

واضح رہے کہ بنگلہ دیشی کھلاڑی مستفیض الرحمان کو انڈین پریمیئر لیگ سے باہرکرنے کے معتصبانہ فیصلے کے بعد بنگلہ دیش نے احتجاج کیاتھا اور بھارت میں ہونےوالے ٹی ٹوئنٹی ورلڈکپ میں نہ کھیلنےکا اصولی موقف پیش کیاتھا۔