انڈر 19 ورلڈکپ ، انگلینڈ کے ہاتھوں پاکستان کو 37 رنز سے شکست

زمبابوے کے شہر ہرارے میں کھیلے گئے میچ میں قومی ٹیم 211رنز کے ہدف کے تعاقب میں 47 ویں اوور میں 173رنزپر آؤٹ ہوگئی۔پاکستان نے ٹاس جیت کر فیلڈنگ کرنے کا فیصلہ کیاتھا۔۔۔قومی بولرز کی شاندار پرفارمنس کے باعث انگلش بیٹرز کھل کر نہ کھیل سکے اور پوری ٹیم 47 ویں اوور میں 210 رنز بنا کرآؤٹ ہوگئی۔انگلینڈ کے فیلکونر نے سب سے زیادہ 66 رنز بنائے۔پاکستان کی جانب سے احمد حسین نے 3  وکٹیں حاصل کیں جبکہ علی رضا، عبدالسبحان اور مومن قمر نے دو دو  کھلاڑیوں کو آؤٹ کیا۔ہدف کے تعاقب میں پاکستانی ٹیم کے اوپنرز سمیر منہاس اور محمد شایان صرف 23 کے مجموعی اسکور پر آؤٹ ہوگئے، عثمان خان 6 رنز بنانے کے بعدوکٹ گنوابیٹھے جبکہ  احمد حسین بھی 12 رنزہی بناسکے۔۔اورپوری ٹیم 47 ویں اوور میں 173رنز بناکر آؤٹ ہوگئی۔۔کپتان فرحان یوسف 65 رنز بناکر نمایاں رہے۔