نائب وزیراعظم محمد اسحاق ڈار کی زیر صدارت وزارتِ خارجہ میں اجلاس، سفارتی سرگرمیوں پر تفصیلی غور

نائب وزیراعظم و وزیر خارجہ سینیٹر محمد اسحاق ڈار کی زیر صدارت وزارتِ خارجہ میں اہم اجلاس ہوا، جس میں سیکریٹری خارجہ آمنہ بلوچ اور وزارت کے سینئر حکام شریک ہوئے۔

اجلاس میں آئندہ سفارتی سرگرمیوں اور مجوزہ غیر ملکی دوروں پر تفصیلی غور کیا گیا۔ نائب وزیراعظم نے بین الاقوامی روابط کے لیے جامع تیاریوں کی ہدایت کی اور مؤثر رابطہ کاری اور بروقت فالو اپ پر زور دیا۔

مزید براں، اجلاس میں پاکستان کے سیاسی مفادات کے فروغ، اقتصادی مفادات کے تحفظ اور عالمی شراکت داری کو مضبوط بنانے کی حکمتِ عملی کا جائزہ لیا گیا۔ وزارتِ خارجہ کو آئندہ سفارتی مصروفیات کے لیے مربوط لائحہ عمل تیار کرنے کی ہدایت بھی دی گئی۔