بشنوئی گینگ بھارتی حکومت کی ہدایات پر کارروائیاں کرتا ہے، کینیڈین پولیس رپورٹ

اوٹاوا: کینیڈا کی رائل کینیڈین ماؤنٹڈ پولیس نے ایک رپورٹ جاری کی ہے جس میں کہا گیا ہے کہ بدنام زمانہ بشنوئی گینگ بھتہ خوری، قتل و غارت گری، منشیات کی اسمگلنگ اور منی لانڈرنگ میں ملوث ہے اور بھارتی حکومت کی ہدایات پر بھی کارروائیاں کرتا ہے۔

رپورٹ میں مزید کہا گیا ہے کہ بشنوئی گینگ کی کینیڈا میں موجودگی بڑھ رہی ہے، اور یہ ایک پرتشدد مجرمانہ تنظیم کے طور پر کام کر رہا ہے۔ برٹش کولمبیا کے پریمیئر ڈیوڈ ایبے نے گزشتہ سال جنوری میں کینیڈین حکومت سے مطالبہ کیا تھا کہ بشنوئی گینگ کو دہشت گرد تنظیم کے طور پر قرار دیا جائے۔

کینیڈین پولیس کی رپورٹ کے مطابق گینگ کی سرگرمیاں ملکی سلامتی اور عوام کے لیے سنگین خطرہ ہیں، اور ان کے خلاف موثر اقدامات کیے جا رہے ہیں۔