LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

پولیس افسران کی مالی مشکلات کے حل کیلئے اقدامات کئے جا رہے ہیں: محسن نقوی

Web Desk

15 January 2026

وفاقی وزیر داخلہ محسن نقوی نے کہا ہے کہ پولیس افسران کی مالی مشکلات دور کرنے کے لیے خصوصی اقدامات کیے جا رہے ہیں اور ان کی خواہش ہے کہ ہر پولیس افسر کو بہتر تنخواہ ملے۔

اسلام آباد میں نیشنل پولیس اکیڈمی کے دورے کے دوران وزیر داخلہ نے تزئین و آرائش کے جاری کام کا معائنہ کیا اور کمانڈنٹ نیشنل پولیس اکیڈمی محمد ادریس کو ضروری ہدایات دیں۔ انہوں نے کانفرنس ہال، ڈائننگ ہال اور دیگر رومز کا بھی جائزہ لیا۔

وزیر داخلہ نے زیرِ تربیت اسسٹنٹ سپرنٹنڈنٹس آف پولیس (اے ایس پیز) سے خطاب کرتے ہوئے اعلان کیا کہ پاسنگ آؤٹ کے موقع پر زیرِ تربیت افسران کو پلاٹس دیے جائیں گے، جبکہ موجودہ پولیس بیچ کو بین الاقوامی معیار کے مطابق تیار کیا جائے گا۔ انہوں نے بتایا کہ اے ایس پیز کو ایک ماہ کی تربیت کے لیے بیجنگ بھیجا جائے گا۔

محسن نقوی کا کہنا تھا کہ پولیس ٹریننگ میں جدید تقاضوں کے مطابق نئے تربیتی ماڈیولز متعارف کرائے جائیں گے اور افسران کی پیشہ ورانہ اور عملی صلاحیتوں میں اضافہ یقینی بنایا جائے گا۔ انہوں نے مزید کہا کہ نیشنل پولیس فاؤنڈیشن کے تعاون سے افسران کو جدید سہولیات فراہم کی جائیں گی اور پروموشن سے متعلق مسائل بھی حل کیے جائیں گے۔

اس موقع پر کمانڈنٹ نیشنل پولیس اکیڈمی نے وزیر داخلہ کو تفصیلی بریفنگ دی، جبکہ ڈپٹی کمانڈنٹ، ایڈیشنل ڈپٹی کمشنر اسلام آباد اور دیگر افسران بھی موجود تھے۔