امریکی حملے کا خدشہ : اسپین، پولینڈ اور اٹلی کی شہریوں کو ایران چھوڑنے کی ہدایت

ایران پر امریکی حملے کا خطرہ برقرار ہے، جس کے بعد اسپین، پولینڈ اور اٹلی نے اپنے شہریوں کو ایران فوری طور پر چھوڑنے کی ہدایت دی ہے۔ جرمنی نے اپنے طیاروں کو ایرانی فضائی حدود استعمال نہ کرنے کا حکم جاری کیا ہے۔

ٹرمپ انتظامیہ نے قطر کے امریکی فوجی ایئر بیس العدید سے کچھ اہلکار واپس بلانے کا حکم دیا ہے، جبکہ برطانیہ نے بھی اپنے عملے کو وہاں سے واپس بلانے کا فیصلہ کیا ہے۔ امریکی صدر ڈونلڈ ٹرمپ نے ایران کو دھمکی دی ہے کہ مظاہرین پر تشدد جاری رکھنے کی صورت میں امریکا سخت ردعمل دے گا۔

ایرانی وزیر دفاع عزیز ناصر زادے نے کہا کہ امریکا کو حملے کی صورت میں بہت سرپرائز ملیں گے۔ سینئر ایرانی اہلکار کے مطابق امریکا کے حملے کی صورت میں خطے میں موجود امریکی اتحادی ممالک میں فوجی اڈے ایران کے نشانے پر آئیں گے۔