LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
اسحاق ڈار سے ترکمانی وزیر خارجہ کی ملاقات، زیرِ التوا مسائل کے حل پر زور فیلڈ مارشل سے ایرانی وزیر خارجہ کی ملاقات، قریبی روابط اور تعاون پر اتفاق عمران خان کو سرجری کی ضرورت ہے تو حکومت سہولت فراہم کرے گی: رانا ثنا اللہ ایران کا آبنائے ہرمز کے قریب امریکی ڈرون قبضے میں لینے کا دعویٰ باب المندب سے فورسز کا انخلا، سعودیہ نے اتحادی فوج کا کمانڈر بدل دیا طلبہ مستقبل کے رہنما، تعمیر ملت میں بھرپور کردار ادا کریں: مریم نواز شریف ایران کیخلاف فوجی کارروائیاں ختم کرنے کا اعلان آپشن میں شامل ہے: جےڈی وینس بلاول کو وزیراعظم بنتا دیکھ رہی ہوں، فریال تالپور امریکا شرائط مان جائے تو 2 دن میں آبنائے ہرمز کھول دیں گے: ایرانی وزیر خارجہ علاقائی سلامتی کو درپیش خطرات سے نمٹنے کیلئے مشترکہ کوششیں ضروری ہیں: وزیر اعظم مظاہروں کے دوران طاقت کا استعمال، میئر نیویارک کا بدنام پولیس یونٹ کو ختم کرنے کا اعلان ہری پور کو خیبر پختونخوا سے الگ کرکے اسلام آباد میں شامل کرنے کی اطلاعات ہیں: ایمل ولی ای سی او رکن ممالک کی ایران امریکا تنازع میں پاکستان کی ثالثی کی کوششوں کی حمایت امریکی فوج کی دفاعی تیاریوں اور حفاظتی انتظامات میں سنگین خامیوں کے انکشافات جنسی جرائم میں قید امریکی فنانسر جیفری ایپسٹین کی پراسرار موت بارے نئے سنسنی خیز انکشافات

آسان کاروبار سکیم میں اربوں روپے کی مالی بے ضابطگیوں کا انکشاف

Web Desk

7 January 2026

لاہور میں آسان کاروبار سکیم کے تحت مالی بے ضابطگیوں سے متعلق تحقیقات کے دوران مزید سنگین انکشافات سامنے آئے ہیں۔ ذرائع کے مطابق مالی بے ضابطگیوں کا حجم کروڑوں سے بڑھ کر اربوں روپے تک جا پہنچا ہے اور تحقیقات کے ساتھ ساتھ یہ حجم مسلسل بڑھتا جا رہا ہے۔

ذرائع کا کہنا ہے کہ بنکنگ سافٹ ویئر میں گلچ (خامی) کے باعث بعض اکاؤنٹس میں منظور شدہ قرضہ رقم سے دگنی رقوم منتقل ہوئیں۔ اس کے علاوہ معاملے میں ہیکنگ کے شواہد بھی سامنے آئے ہیں، جس سے اضافی رقوم کی منتقلی ممکن ہوئی۔

تحقیقات کے دوران کئی افراد نے ازخود تحقیقاتی ادارے سے رابطہ کر کے تفتیش میں شمولیت اختیار کی ہے۔ ذرائع کے مطابق کیس میں ایسے افراد کی تعداد بھی زیادہ ہے جو بظاہر بے گناہ ہیں، جبکہ کچھ ملزمان نے سادہ لوح افراد سے ان کے اے ٹی ایم کارڈز حاصل کر کے اضافی رقم خود ہڑپ کی۔

ذرائع کے مطابق تفتیش کے عمل میں بے گناہ اور گناہ گار افراد کا الگ الگ تعین کیا جا رہا ہے اور اسی بنیاد پر مختلف انداز میں تفتیش کی جا رہی ہے۔ مالی لین دین کا یہ سلسلہ 21 دسمبر 2025 سے شروع ہو کر 31 دسمبر تک جاری رہا، جبکہ تقریباً دس دن بعد جب بنک حکام کو صورتحال کا اندازہ ہوا تو اضافی ٹرانزیکشنز روک دی گئیں۔

بنک کی جانب سے ان تمام اکاؤنٹس کو بند کر دیا گیا ہے جن میں اضافی رقوم منتقل ہوئیں۔ ذرائع کے مطابق مجموعی طور پر دو ہزار سے زائد افراد کے اکاؤنٹس میں ٹرانزیکشنز ہوئیں، جبکہ متعدد اکاؤنٹس میں قرض کی مقررہ حد سے زائد اور ایک سے زیادہ بار رقوم منتقل کی گئیں۔

این سی سی آئی اے ذرائع کے مطابق اب تک فراڈ میں ملوث تقریباً 100 افراد کو گرفتار کیا جا چکا ہے۔ ملزمان کی گرفتاری کے لیے پنجاب حکومت کی ایک اعلیٰ شخصیت کی نگرانی میں ضلعی پولیس افسران کو خصوصی ہدایات جاری کی گئی ہیں، جبکہ پولیس گرفتار افراد کو این سی سی آئی اے کے حوالے کر رہی ہے۔

ذرائع کے مطابق جن اکاؤنٹس میں رقوم منتقل ہوئیں وہ تمام آسان کاروبار سکیم کے لیے درخواست دینے والوں کے تھے۔ این سی سی آئی اے نے پنجاب بینک کی درخواست پر مقدمہ درج کر رکھا ہے، جس میں ابتدائی طور پر 24 مرد و خواتین کو نامزد کیا گیا تھا۔

تحقیقات میں سامنے آیا ہے کہ فراڈ کرنے اور اس سے فائدہ اٹھانے والوں کا تعلق پنجاب کے مختلف اضلاع سے ہے۔ گرفتار ملزمان کی نشاندہی پر دیگر افراد کی گرفتاری کا سلسلہ بھی جاری ہے۔ یہ مقدمہ پنجاب بینک کے فیلڈ کلیکشن آفیسر انصر کے بیان پر درج کیا گیا ہے۔